مرحبا
ارحب بجميع الزائرين تلك خواطرى وهى ليست شعرا بالمعنى الحقيقى ولكنها مشاعرى ومشاعر من حولى انسجها من الخبال او من واقع الحياة خاصة بى او من حولى واقولها دائما انا لست بشاعر ولكن لدى مشاعر
=
تحياتى طارق ياسين
الأربعاء، 13 مايو 2009
فجأة كده
فجأة كده
=====
فجأة كده كل اللى بينا بينتهى
ومره واحده حب عمرى بينمحى
واله خلاص قلبك قسى
وكل شيئ راح يتنسى
فجأة كده
ايه اللى غير احاسيسك من ناحيتى
وازاى اكون من غيرك فى دنيتى
واله خلاص قلبك قسى
وكل شيئ راح يتنسى
فجأة كده
فيه ناس بتشكى ان الزمان دايما يفرق بين حبيبين
لكن الزمان عمره ماكان يقر علينا احنا الاتنين
دلوقتى انت اللى اتغيرت
وجاى تقول انك قررت
طب حتى لحظه.. ياريت فكرت
واله خلاص قلبك قسى
وكل شيئ راح يتنسى
معملتش حتى لقلبى حساب يبات مجروح
ولا حتى سبت مابينا باب يفضل مفتوح
لو كنت عاشق للعذاب اتفضل روح
يمكن ترجع تانى ف يوم وتعاتب نفسك على هجرك
ويسألك قلبك مره ويلوم ويعود وعيك كان ليه بعدك
واله خلاص قلبك قسى
وكل شيئ راح يتنسى
فجأة كده
ياقسوتك
ياقدرتك
فى ثانيه واحده ازاى تضيع محبتك
ياقوتك
ياسطوتك
وفجأة تظلم من غير ماحد يظلمك
اذا كنت ناوى صحيح تهجر
يبقى عليك انت تفسر
ايه اللى بينا هنا اتغير
وايه اللى خلاك بيه تغدر
واله خلاص قلبك قسى
وكل شيئ راح يتنسى
فجأة كده
حتى لحظه او دقيقه ماداتهانيش
قولى كلمه من كلامك اللى كان مابينتهيش
قول سلام..حتى ديه .!..ماقولتليش
قوللى ليه..؟ بعديها امشى ومتبصليش
لو ذنب منى لقلت لقلبى يلقلبى ماتشتكيش
واله خلاص قلبك قسى
وكل شيئ راح يتنسى
فجأة كده
طارق يس
الاشتراك في:
تعليقات الرسالة (Atom)
ليست هناك تعليقات:
إرسال تعليق