ردى على صرخة قلب صديق
==================
صرخة قلبك اللى يعانى واهاته وصلت لحدى
وانا سامعك و مكتوف الايادى والحزن ملانى لوحدى
قلت اصرخ فينك انتى يابلادى
وفين قلوب الطيبين فيكى السعادى
واله بس ماتش كوره نقول فيه نشيد بلادى
ونرفع علم ونحرق علم
لكن فين احساسنا احنا بالالم
قلبى اتصدم
وصوتى اتعدم
قلت ياقلبى اصرخ زى قلبك ماصرخ
لقيت قلبى من صدمته صرخ السكات
زى عمر اللى مضى وعدى وفات
كان بيصرخ لما يفارقه حبيب وذكريات
لكنه من كلامك حس بندم
وعرف حقيقة ايه يكون اسمه الم
طفل يعانى ام بتبكى اب فى الدنيا اتظلم
سامحنى ياربى على اللى فاتنى
من عمرى كله
ماعرفت فيه غير العدم
قلت اتوب وارجع لعقلى
وادعيك ياربى قوى ايمانى
واشفى مريضك
واهدى عبيدك
وانصر كل الى اتظلم
واعطى كل اللى اتحرم
وخفف عنا كل الم
و امنحنى هدايتى
ودى بدايتى
كلام منى ومن القلم
طارق يس
مرحبا
ارحب بجميع الزائرين تلك خواطرى وهى ليست شعرا بالمعنى الحقيقى ولكنها مشاعرى ومشاعر من حولى انسجها من الخبال او من واقع الحياة خاصة بى او من حولى واقولها دائما انا لست بشاعر ولكن لدى مشاعر
=
تحياتى طارق ياسين
