من قبل ما اقابلك حبيتك من قبل ماقابلك
وعنيه من غير ماتشوفك سهرت على حبك
وقلبى اللى كان خالى والله انشغلبك
وفى كل حلم من احلامى كنت باندهلك
من قبل ما اقابلك
من قبل ما اقبلك شفت سنين وسنين حرمان
وليالى اسهرها وحيد مع الاحزان
هيمان
حيران
ولهان
من قبل ما اقابلك
وكنت عارف انى هاقابلك واحكيلك
عن ايامى ويا سنينى اللى ضاعت من غيرك
كنت باحلمبك ياغالى
وكنت اسأل ليه ياقلبى انت خالى
اتاريه مشغولبك من قبل ماقابلك
من قبل ما اقابلك
كنت اشوف الطير مهاجر على عشه
اسأله
كان يقوللى انه رايح لحبيبته
احسده
عايز اقوله خدنى معاك
يمكن حبيب الفلب هناك
ملقيتش ليه والله جناح
كنت اطيرله ويا الرياح
وفضلت مستنى
وحيد مع قلبى
وصورتك هنا جنبى
لحد مالقيتك
وبعنيه رأيتك
قلت ياهنايا وسعدى
جاى خلاص وعدى
وياقلبى افرح اهو جه اللى اتمنيته
بعد سنين حرمان فيها استنيته
لو جالك قابله
ولو خاصمك يوم روح صالحه
لو عاتبك اوعى تعانده
ولو هجرك حاسبه
بعديها تسامحه
لانه من قبل ما اقابله حبيته
طارق ياسين
مرحبا
ارحب بجميع الزائرين تلك خواطرى وهى ليست شعرا بالمعنى الحقيقى ولكنها مشاعرى ومشاعر من حولى انسجها من الخبال او من واقع الحياة خاصة بى او من حولى واقولها دائما انا لست بشاعر ولكن لدى مشاعر
=
تحياتى طارق ياسين
