تعديلانا مستحيل اودعكمن Tareik Yassein في 20 نوفمبر، 2010، الساعة 11:15 مساءً
مستحيل اودعك
****************
قال لها ودعينى
====
ودعينى بكلمه حلوه من عنيكى
ودعينى بلمسه واحده من ايديكى
ليه ف قلبى تجرحينى
ليه فى حبى تعذبينى
قبل ماكنتى تسيبينى
كنتى حتى ودعينى
قالت له مستحيل اودعك
=========
انا مستحيل ارجع تانى
بحجة انى راح اودعك
وانت كمان لازم تنسانى
قبل الوهم ما يخدعك
زى قلبى مانخدع من نظراتك
زى حبى مانتهى بنزواتك
زى كل شيئ ماانتهى و راح
زى حلم انتهى وقت الصباح
عاوز تجدد فى الجراح
قلبى خلاص عاوز يرتاح
وانا انا انا مستحيــــــــــل اودعك
كل الكلام الحلو اللى بتقول عليه
كله كلام والقصص مليانه بيه
كله سراب وسط ضباب وتهنا فيه
حتى الحقيقه كلها تاهت وليه؟
ليه عاوزنى اودعك
بعديها هاتقولى ارجعك
خلى قلبك يوجعك
وانا انا انا مستحيـــــــــل اودعك
انت اللى رحت تبيع ايامنا
يوم ماعرفت قلب غيرى
وبايدك ضيعت كل احلامنا
لحظة مالمست ايد غيرى
ماهو مستحيل تلمس ايدية
ايدين خاينين
ومستحيل تشوف عنيه
عيون قاسيين
وجاى عاوزنى اودعك
ابداابدا ده المستحيــــــــــــــــــــل
وانا انا انا
مرحبا
ارحب بجميع الزائرين تلك خواطرى وهى ليست شعرا بالمعنى الحقيقى ولكنها مشاعرى ومشاعر من حولى انسجها من الخبال او من واقع الحياة خاصة بى او من حولى واقولها دائما انا لست بشاعر ولكن لدى مشاعر
=
تحياتى طارق ياسين
