مرحبا
ارحب بجميع الزائرين تلك خواطرى وهى ليست شعرا بالمعنى الحقيقى ولكنها مشاعرى ومشاعر من حولى انسجها من الخبال او من واقع الحياة خاصة بى او من حولى واقولها دائما انا لست بشاعر ولكن لدى مشاعر
=
تحياتى طارق ياسين
الثلاثاء، 19 مايو 2009
سؤال يحير
سؤال يحير
-======؟؟
هو سؤال واحد مش لاقى رد عليه
احنا كده عايشين ؟
أمال هنكون أيه؟
احنا كده تايهين تايهين ومش حاسين
تايهين مابين وبين عايشين واله مش عايشين
كل الامور متلخبطه
حتى الخطوط دى شخبطه
وانا كنت فاكر انها متظبطه
اتارى انها متعقده ومتربطه
لاننا تايهين تايهين ومش عارفين
تايهين مابين وبين
عايشين واله مش عايشين
دى جنه واله نار
حياه واله دمار
لمه واله انشطار
عزه واله انكسار
ياااااااااه مش قادر اوصل للقرار
يبقى خلاص معتش ليه الا الفرار
لكن لفين
ماحنا مش عارفين ومش حاسين
تايهين مابين وبين عايشين واله مش عايشين
زمن الرسل والانبياء معتش راجع
ادوا رسالتهم وبلغونا والكل عرف والكل سامع
الحرام بين والحلال ساطع
حدد مصيرك يابن ادم ده الحكم رادع
وكل واحد له عمله
وباديه يصنع بيه امله
وكل الرؤوس هتتساوى
تحت التراب هتتوارى
وساعتها بس هنقدر
نجاوب على السؤال اللى يحير
اذا كنا عايشين ؟ واله مش عايشين ؟؟؟؟؟؟؟؟؟
طارق ياسين
الاشتراك في:
الرسائل (Atom)