مرحبا
ارحب بجميع الزائرين تلك خواطرى وهى ليست شعرا بالمعنى الحقيقى ولكنها مشاعرى ومشاعر من حولى انسجها من الخبال او من واقع الحياة خاصة بى او من حولى واقولها دائما انا لست بشاعر ولكن لدى مشاعر
=
تحياتى طارق ياسين
الجمعة، 10 يوليو 2009
حوار فى المطار
حوار مع نفسى بالمطار
=============
يافايت الاهل والاحباب مال قلبك كده جامد ؟
معدوم من الاحاسيس واله عامل صامد ؟
ده من اول خطوه خطيتها بعيد عنهم
وف اول لحظة بعدتها عنيك عنهم
انهار كل شيئ كان فيك جامد
انهار كل شيئ كان فيك صامد
ولان القلب الحجر
وجريت دقاته تتصارع وتتصاعد
ويا مسافات بتزيد وتزيد وتتباعد
وسال الدمع فى عيونك بحور وبحور
وعقلك والله تاه منك يدور ويدور
يدور ويدوّر ع الاهل والاحباب
لكن ملقتش غير وحده وفرقه وتوهه
وكله سراب
وكله سراب
هنعمل ايه ؟ ده الومان اللى باعدنا وفرقنا
ونشكى ليه؟ ماهو ازاى نجيب قوتنا وقوّتنا
قوّتنا اللى راحت مننا بعيد عن الاهل والاحباب
وياليل الغربه يا واخدنى وسامعنى
قتلنى سكونك وسهرنى
غلبنى الشوق فهاودنى ورجعنى
وخلى ظلامك يودعنى
وخلى ساعاتك كده تعدى
ده بكره جاى بيندهلى
ويوعدنى
يرجعنى
يرجعنى
يرجعنى
للاهل والاحبـــــــــــــــــــــاب
طارق ياسين
الاشتراك في:
الرسائل (Atom)