بنيتى تلك هى الحياه

بنيتى
====
بنيتى فلتحذرى من تلك الحياه
ولتعرفى انها لاتدوم حتى نلهث نحوها
ولاتكون لمن يامن غدرها
ولاتهون الا على من عاش زهدها
فلتحذريها ولتعرفيها ولتزهديها
انها تلك الحياه

اعرف انك تائهة بها بخيرها وشرها
واعجز مثلك ان أأمنها فلا تأمنى مكرها
فقد تهت قبلك فى امرها مثل ماتهتى انتى بها
هول وحروب
فجر وغروب
وامل يذوب
ووهم فى دروب
فلتحذريها ولتعرفيها ولتزهديها
انها تلك الحياه

الناس بها تشكلت
حتى الوجوه تلونت
وكم نفوس تغيرت
والعقول تبدلت
وكم اّمال تبخرت
ولا وعود تحققت
فلتحذريها ولتعرفيها ولتزهديها
انها تلك الحياه

اخاف عليك منها
فالكل يبحث عنها
ويطمع ان يملكها
وهى ملك الاله
الله جل علاه
واهب تلك الحياه
فخافيه واعبديه واحمديه لتأمنى وتهنأى وتسعدى بتلك الحياه

طارق ياسين
22/6/2009

حاسس

حاسس
=====

حاسس بعنيك لما بشوفها انها عاوزانى
حاسس بايديك لما المسها انها وخدانى
حاسس بالكامه اللى تقولها انها قصدانى
حاسس بكل شيئ
عايش مع كل شيئ
لكن الدنيا غداره

ماقدرش ابدا انا اطاوعك
اوحتى اجازف واصارحك
واقولك انى بحبك
غير لما اتأكد منك
وقلبى يدينى اماره

انا لازم ابعد عنك
ولا قرب لحظه منك
لجل ماحس بلهفة قلبك
ومن صدق مشاعرك
لما من تانى ارجعلك
وساعتها بس اقولك
انا تحت امرك
بس انت شاور باشاره


طارق يس

صدقى... ومتصدقيش

صدقى....ومتصدقيش
****************

صدقى... ان الحياة من غيرك انتى متساويش
ان اللى بينا حب ناره متنطفيش
ان حياتك عمر غالى جوه ف قلبى مينتهيش

صدقى..انتى اول حب ليا
انتى شمسى ونور عنيا
انتى قمرى ف نجوم لياليا
صدقى صدقى صدقى ومتنسنيش

ومتصدقيش... انى عرفت حد قبلك
او ف يوم اخون حبك
وان خنته ازاى راح اعيش
متصدقيش
متصدقيش... ابدا كلام
يجعل مابينا ف يوم خصام
وراح تعرفى مع الايام
ان حبى زيه مفيش

صدقى ومتصدقيش

صدقى ..كل كلامى
واسألى عذاب ايامى
اما عن كلام عزالى
متصدقيش
متصدقيش
متصدقيش


طارق ياسين

همس القلوب

همس القلوب

========

همس القلوب بيكون يدوب
يمر جنبى
ويمس لقلبى
ولينا يخلى
فى الحب ندوب
ده همس القلوب

حبيب ويا محبوب
نصيب ويكون مكتوب
تأنيب او حتى حروب
تعذيب وتوهه ف دروب
وغريب انه يدوب
ده همس القلوب

بيمر لحظه
ويدب فرحه
وينزل دمعه
وينور شمعه
فى وسط الغروب
ده همس القلوب

بيشفى جروح
وعطر يفوح
وتصفا روح
والكل يبوح
باللى نداريه جوه القلوب
وهمس القلوب بيكون يدوب

طارق ياسين

حيرتينى فى هواكك

حيرتينى فى هواك
============

قوليلى اعمل ايه حيرتينى فى هواك
قوليلى اعمل ايه غلبتينى وياك

قدام عنييا صورتك ومش قادر انطق
وشوقى ليك دوبنى عمال فى قلبى بيحرق
وف بحر عنيك السود والله انا خايف اغرق
قوليلى اعمل ايه حيرتينى فى هواك

جواب ورا جواب اكتب واقطعه
خايف على حبى من الرد ليضيعه
وخايف على قلبى من لأ لتجرحه

خايف اقول بحبك ليكون فىه حد غيرى
ساكن جوه فى قلبك وانا اللى مشغول بيكى

وخايف تكون ايامى اللى فاتت وهم وخيال
خايف تكون نجمة ليليا ضاعت فى حلم بمحال
قوليلى اعمل ايه حيرتينى فى هواك

ده كل غنوة اسمعها تهديها ليك انتى
وكل كلمة اكتبها اكتبها ليك انتى
وكل فرحة تسر القاها منك انتى
وكل نسمه تمر اقول دى تبقى انتى

وكل طير طاير ابعت معاه سلام
وقلبى يفضل حاير مابين شوق وهيام
وكل ثانيه اعيشها خايف تكون اوهام
قوليلى اعمل ايه حيرتينى فى هواك

طارق ياسين

"Somebody used this e-mail to register at uNet (www.unet.com). If it were you then continue reading. Otherwise just remove this letter and accept our apologies. At the end of letter you can find instructionsfor blocking further emails from us. Welcome to uNet community, snsn. We hope you will get much joy and pleasure with us. To finish your registration follow this link:http://www.unet.com/cemail/?s=023cf52cef92e0fa81&c=225a5a2e573d32a5ed810db23ca7b9974c60a83447e915ce663099ca8f1c01 If this link does not work, copy it to address line of your browser. Your login is: snsnaxsnsna@hotmail.com"