حبيبتى
====
هاديكى كل جوارحى
وهنايا وكل فرحى
واضمك بلهفه لحضنى
واصرخ اقول للعالم الدنيا بقت ملكى
وضحكت اكبر ضحكايا
وانتى تنادى معايا
ياحب فيه بينا حكايه
لسه بتبدى دلوقتى
ويارب تطول مابينا
وميكونش ليها نهايه
وندوب فى بعض دوب
جسد وروح وقلوب
والوقت مش محسوب
وتبقى احلى روايه
*قصة ببدايه من غير نهايه
وتبقى احلى حكايه
اصبح واتمسى انا
بحب سعد وهنا
مع الحبيبه هنا
الى سكنت جوايا
هتروحى فين وتسبينى
وتزودى حنينى
من بعد مشبكتينى
طب اعمل ايه فى هوايا
نسينى قسوة سنينى
وسكتى اّهات انينى
رجعتى النور لعينى
ارجوك تفضلى ويايا
فى نهارى والسهرايه
طارق يس12/2009
مرحبا
ارحب بجميع الزائرين تلك خواطرى وهى ليست شعرا بالمعنى الحقيقى ولكنها مشاعرى ومشاعر من حولى انسجها من الخبال او من واقع الحياة خاصة بى او من حولى واقولها دائما انا لست بشاعر ولكن لدى مشاعر
=
تحياتى طارق ياسين
