بتقوليلى؟؟

بتقوليلى ؟؟

---------------

بتقوليلى بتحبينى؟

حبينى كمان وكمان

حسسينى انى انسان

ونسينى اهات الزمان



بتقوليلى بحبك؟



قوليها مهما تقوليها المهم منك تحسيها

واى ناس حواليكى انسيها

الا انا ماتنسنيش

لانى بيكى وليكى اعيش

اما الدنيا كلها فمتهمنيش



بتقوليلى باموت فيك؟



لا انا عاوزك تعيشى فيا مش تموتى فيا

عيشى فيا وعيشى ليا

انتى بالنسبالى اجمل هديه

عيشت عمرى اللى فات كأنى ابدا معيشتوش

نفسى اصمك ليا ضمه واللى فات منحسبوش

عمرى الحقيقى ابتدى من يوم م قلبى عليكى دلنى

عيشى ليا بقيت حياتى من غير م وحده تزلنى

انا مستعد امحى اهاتى وزكرياتى بس حضنك يضمنى



بتقوليلى احضنى؟

طب تعالى

ادخلى بين ضلوعى

قيدى جوايا شموعى

وامسحى منى دموعى

واشهدى لحظة خضوعى

انتى حاسه بلهفتى عليكى؟

حاسه بضمتى اليكى



بتقوليلى نفسى اعملك اى حاجه تسعدك؟



هتسعدينى لما اشوفك انتى سعيده

ومتعيشيش حرفه او الم

حبى ليكى هو الحقيقه

واياكى من البعاد ومن الخصام

اياكى من لحظة ندم



بتقوليلى ياحياتى؟



وهى ايه تسوى حياتى

من غيرك انتى

ده انتى بيتى ومدينتى

ده انتى حبى وامى وبنتى

انتى انتى





طارق يس