لسه بدرى على الفرح

لسه  بدرى  على الفرح
=============


لسه بدرى على الفرح


ياعرايس شيلوا الطرح


فى البداية خالد سعيد


ولسه دم  كام  شهيد


فى  الميدان قام انطرح


وكام اتعمى وكام انجرح


لسه بدرى على الفرح




آه  بدينا  يوم  جديد


ومستنيين زفاف وعيد


وياللى فكرك أوام سرح


واكتفيت وقلت حالنا انصلح


لسه بدرى على الفرح


لسه تارنا مع اللى خان


واللى سرق روح الميدان


واللى قتل حلمنا من زمان


واللى خلى عمرنا ف هوان


حس  مرة  انك انسان


لاتهان وعيش فى أمان


حس  صوتنا اللى اتنبح


وشبابنا اللى  اندبح


لسه  بدرى  على الفرح


ياعرايس شيلوا الطرح


لما  فجر  ييجى يوعد


لما الشهيد  دمه  يبرد


لما امه تاخد عزاه وتسعد


لما الجرذان  تمشى وتبعد


لما طريقك يترسم على شيئ محدد


مش سوس بينخر ودايما يهدد


لما احس انا وانت باننا واحد


لما يقوى عزمنا وبقلب صامد


لما نبنى مجد مصربجهد جامد


ونحتسب بربنا هو اللى قادر وشاهد


ساعتها هبكون الفرح 


والعرايس تلبس الطرح


لسه  بدرى  على  الفرح




كلمات طارق ياسين

الصديق

الصديق
=====
 وماذا فى صديق قد صادقته مخلصا
 وصادقا ودون عذر تركك دون ان يبدى سببا
 فقد يكون بداخله ظنا ولو راجع نفسه وجد انه مخطئا
 فكيف استهان بالصداقة ولن ينفع بعد فوات الاوان ندما


الانسان للانسان يلتمس ولو مائة عذرا 
اما الصديق فله الحق فى ألفا
 ولكن قبل ان يترك صديقه يذكر له سببا
 بدلا من ان يدعه فى الظنون حائرا


ان جفاء الصديق او بعده مؤلما
 أكثر من بعاد حبيبا أو أخا


اذا التمس الصديق للصديق اعذارا
 فهو بالتأكيد يغفر له ليس بكلمة وانما كلاما


الحب يسرى فى الشرايين دون ارادةّ
 لعقل وانما هو داء للقلوب ولا نجد له دواءا
حلو الكلام قد يضل قلوبا
 وحب الله يشفى كل عليلا


طارق ياسين

إفرح واضحك يانيل

إفرح واضحك يانيل
===========
بقالنا كتير  نغم ضايع من المواويل


بقالنا كتير  شجن زايد فى الاراغيل


حزين وحزنى مالى صفحتك  يانيل


وعتمة مالية ضفافك بلا قناديل


حتى القمر  مخنوق فى سماك ياليل


قلت أحلم


قلت أحلم بفجر جديد


قمت وثرت وأملى بربى يزيد


أطالب بحق وعدل وجنبى كام شهيد


وعزم رجال شديده وايد بتحضن ايد


جانا  نهار
من الثوار
بيوعدنا بفجر جديد
ويبدأ لينا عهد  سعيد


بصيت ولقيت   الحلم بالميدان بيتحقق


وصوتى ناديت كما الرعد فى السما بيبرق


وطيور حرية فى العلا تغنى وتزقزق


لافيه خاين ولا فاسد ولا حد هنا  بيسرق


وشمس جديدة جايلنا بأمل يشرق


يانيل قادت قناديلك


لاتخشى تانى من ظلام ليلك


دى فرحة جاية تناديلى وتناديلك


فافرح وإضحك  يانيل


صبرنا كتير وصبرنا مش بالقليل


فافرح وارقص وغنى  واضحك يانيل


كلمات طارق ياسين

مهموم يامصر

مهموم  يامصر
=======
مهموم  يامصر بيكى
وانا مش عارف أرضيكى


مانا تايه وكده محتار
وياما كتبتلك أشعار


فى وقت النصر  بطير بيكى
ووقت الشده أواسيكى


وأنسى نفسى وأفتكرك
واعبر عن مدى حبك


ووقت م أقول دى نسيانى
أبص القاكى بتعانى


وتهت
 مابين مين حبك ومين خانك
ومين خادمك ومين باعك


ومين يحميكى ومين يراعيكى 
ومين سجانى وسجانك


معقول شعبك يكون هانك؟


وأقول جيشك بيحمينى ويحميكى


وناس تانيه تضللنى وناس بالروح بتفديكى
أقولك ايه ؟مأنا مش  عارف  أرضيكى


مفيش غير  ربى هيحمينى ويحميكى
هيحمينى
ويحميكى


ابنك طارق ياسين

دون أن يلتقيان

دون أن يلتقيان
=========

دون ان  يلتقيان
او تتقابل العينان
ولم تتلامس اليدان
ولاتتمتم الشفتان
إلتقى  القلبان
بكلاهما يشعران
فبأى شيئ يوصفان
صديقان؟ ام حبيبان؟
لايهم فببعضهمايحسان
فى الهم يتواسيان
فى الفرح يهللان
وللناس ينصحان
ولمن لايحب يرثيان
فهم موتى بلا أكفان
وسبحان الخالق الرحمن
جعل البحرين يلتقيان
فهل يأتى ربيعا فى الخريف   فى  هذا  الزمان
أم  هو  حلم ووقت الاستيقاظ حان
 
كلمات آخر جنان  من:  طارق  ياسين

أنا الثوره

انا  الثوره
======
 انا حاسه بانى باتسرق 
وانا شايفه ان عمرى بيتحرق
وان كل شيئ جميل كده غرق
معقوله ياشبابنا احنا هنفترق؟
انا الثوره
ناس تعيد 
وناس تقيد
 وناس تؤيد
 وناس تمجد
وانا فين من كل  ده؟
انا فين بين ده وده؟
انا  تايهة  زى ماكلكم تايهين
انا حاسه وانتم كمان حاسين
انى كانى  سراااب
وبقيت فى وسط اغراب
ابعدوا عنى الغراب
لاينوح  ولا يغنى
لايواسى ولايهنى
عمال فى جسمى بينهش
عمال فى قبرى ينبش
غراب اسمه  الفتن
بيزود لينا المحن
وانا افضل أان
وساوس كمان بتزن
بتقولى  اهربى
شرقى او غربى
وابعدى وفكرى 
قبل ماتدمرى
روحى لناس ترفع شعلتك
لناس تعلى من همتك
لشعب يعرف قيمة حريته وحريتك
انا الثوره


كلمات طارق ياسين

حان الحب الآن

الحب  حان الآن
========


قد تعيش القلوب بلا ابدان ...
.
. ولكن يموت البدن ان كان قلبه بالاكفان


والحب هو عطر الحياة والاكوان ....
.
. ان ضاع منا اصابنا العار والهوان


اللهم لاتصيبنا بالجفاءو الحرمان ...


... واجعلنا محبين فى كل اوان


مالفرق  بين  حيوان  وانسان  ..


..غير عقل وقلب بالحب عمران


وحبى  لربى  يحيينى فى  الازمان..


...ورضاه يريح كل قلب حيران


واذا احببنى ربى فله الشكران..


....فبعد حبه احببت كل  انسان


ويارب ارجوك تسقى  كل قلب للحب ظمآن




 طارق يس  

Photo effect 'Outdoor Screen'. Created on http://www.LoonaPix.com/

Photo effect 'Outdoor Screen'. Created on http://www.LoonaPix.com/

Photo effect 'Gallery'. Created on http://www.LoonaPix.com/

Photo effect 'Gallery'. Created on http://www.LoonaPix.com/

Photo effect 'Sun Set'. Created on http://www.LoonaPix.com/

Photo effect 'Sun Set'. Created on http://www.LoonaPix.com/

Quran MP3 - القرآن الكريم - koran karem

Quran MP3 - القرآن الكريم - koran karem

نهاية لقاء

نهاية لقاء

=====

  

حكيتلك عن اللى  ف قلبى

وانت مش حاسس ومش داريبى

كأنك مش  معايا ولا  جنبى

ولا شاعر بأشواقى  ولهيبى 

 

قلت  يمكن مش سامع و كان  سارح  

 او  تعبان  وكان سهران من امبارح 

فضلت  اعيد  فى  كلامى

واوصفله  حبى  وغرامى

وهو زى  ماهو  لا يتكلم 

وانا  اتألم

وفجأة  قام  وبيسلم

فثرت  عليه 

فيه ايه  وجرى  ايه

ازاى  بتسرح  وانا  وياك

ولا  حاسه  بانى  معاك

ولو سهران  مانا  من  يوم ماعرفتك  وانا سهرانه

ولو محتار  مانا  من اول محبيتك  وانا حيرانه

سهرانه  ليك  

ومحتاره  بيك

اتكلم  قلى  مالك

ايه  غير فى حالك

اشكيلى عن همومك

اوصفلى ايه شعورك

ولا  خلاص  قلبك مش  حاسس  بيا 

وماشى  ولا حتى ساءل  فيا

وتسيبنى  للشكوك

وترمى ف طريقى شوك

ولا دى  هى  النهاية

او  اخر الروايه

متقوللى من البداية

بدال متعذب فى  روحى

وتزود  فى  جروحى

انا  خلصت  كلامى

وامشى من غير سلامى

وسيبنى مع  ايامى

تداويلى آلااااامى

امشى

 

 

كلمات طارق ياسين

 

tareik - وهما ام حلما ام حبا؟؟

tareik - وهما ام حلما ام حبا؟؟

لا تفوّت رسالة المدونة هذه!

لا تفوّت رسالة المدونة هذه!

انا وحبيبين

أنا وحبيبين
==========

كنت ماشى من بعيد

عنهم
بعينى دى شفتهم

وراقبتهم
فضلت واقف مكانى وخفت

احسدهم
رجعونى لزمان كنت

نسيته خلاص
فكرونى بحب كان فيه

اخلاص
اتمنييت يرجعوا

الحب اللى فاتنى
اتمنيت يكملوا قصتى

مع حبيب سابنى

كنت عاوز اقول للحبيبه

واقفه ليه
قربى لحبيبك
ومدى ايدك
خليها يالله تحضن اديه

وعاوز اقول لحبيبها

انت ساكت ليه
قرب لعينها
وحس بشوقها
ده هو ده الحب اللى

بدور عليه

قربوا كده سوا
دوقوا طعم الهنا
هو ده اللى اسمه الهوا

اللى غيركوا مش لاقيه
حافظوا عليه
حافظوا عليه
ربنا ليكوا يراعيه

شفت اللى بينكم رحت

لزماااااان ورجعت

قلبى اتعصر م الالم لكن

بيكم حقيقى فرحت

قلت اجرى عليكم اهنيكم

لكن انا اترددت

خفت لاقطع اللى اتوصل

بينكم ولو للحظه خفت

اتمنيت من كل قلبى

تفضلوا حبيبين

ويكتر الحب فى الدنيا

ويجمع مابين قلبين

زى ماقلبى حب حبى

اللى كان من سنين

واللى مايوم نسيته

لانى انا منهم

لانى انا منهم
============

اللى بحس بيه لازم اكتبه
حتى احساس الناس احسه واترجمه
اكتب عن احوالى واحوالهم
واحكى اللى بيجرالى ويجرالهم
لانى انا منهم
لانى انا منهم

ان حبيت بيظهر فى كلامى
ولو قسيت اكتب فى معانى
ويبان فيها انى باعانى

المى بيعبر بيه قلمى
وخيالى يسرح مع حلمى
وفرحى بيرقص معاه كلامى
وحنينى وشوقى وهيامى
وبيفضح حبى وغرامى
بافرح بفرح الناس
واحزن بهم الناس
لانى انا منهم
لانى انا منهم

فاكتب على قد ماتقدر
وفكر وحس وعبر
وتوكل انت على الله
هو العالم ويقدر
والناس هاتحس بشوقك او خوفك
وتفهم فى معانى حروفك
لانى انا منهم لانى انا منهم
عارفك وعارفهم

طارق ياسين

قووووولى بحبك

يابلدى يامصر قوووولى بحبك
=========

ماعرفش ايه اللى هيجرالى

بمجرد بس ماتقوليهالى

قولى بحبك

ايوه قوليها كتير واروينى

خلى شقوق القلب تلم

زى م انا حاسك

كمان حسينى

وخلى القلب لقلبى يضم

عمرى انا راح

من غير مارتاح

عمر عقيم وحالته تغم

حنى عليا بشوق وحنين

خلى الفرحه لينا تعم
قووولى بحبك

انا ليكى كتاب مفتوح

كفايه عليا شقا وجروح

سامعه ياروحى وروح الروح

زيحى عنى كل الهم
قووولى بحبك

متجبليش سيره لفراق

انا مش عاوز لهيب اشواق

ولا كلام مليان بزواق

انا مش عاوز غير بس تقولى
قووولى بحبك

بس قوليها ليا كتير

وليا انا وحدى اصلى باغير

قوليها بسرعه وبدون تفكير

مهما هيحصل

حبى انا ليكى مفهوش تغيير

هافضل احبك

وادخل قلبك
لا بتضليل ولا بتزوير

اصل انا حبى حب حقيقى

وعمرى ماخون حتى صدبقى

وده صديقى ..
امال ايه هيكون لحبيبى؟

هيكون حبى من غير اوصاف

وقلبى عليه دايما بيخاف

وده احساس يتحس

وكمان يتشاف

بس قوليلى بحبك



بس قوليها ليا كتير
سحرها فيا له تأثير
قووولى بحبك


برضه هى

لسه مش عاوزه

تقولها
رغم انى باحسها

مانا قلت

ولسه باقول

انى قلبى حبها

اشمعنا هى

نفسى مرة

مرة واحده
اسمعها منها

نفسى صوتها

يوصلنى حتى

زى ماصوتى

وصلها
قووووولى بحبك

انا عارف

وانا حاسس

لكن قلبى

نفسه يرقص

من وصفها

قووووولى بحبك



كل حرف هتقوليه

هيفرح الدنيا كلها

وكل وقت بتعطليه

هيزيد من شوقى لها

مستنى حتى همسها
قووووووولى بحبك

ومتخافيش

وميهمكيش

هافضل اعيش

عمرى كله

مستنى لحظة

نطقها
قووووووولى بحبك
كلمات طارق يس

لما تصمتين؟

                        لما تصمتين
        =============
     الصمت عذاب وانين
لما    اذا لما تصمتين؟                     
 فالصمت سجن وانت السجين
 والصمت يشقينا بالسنين
 والصمت لايروى الحنين
والصمت قد يكون بين حين وحين
لكن ان دام فهو موت ولا تسألين
لالا
لاتصمتى وثورى وتكلمى
ام انك  عشقتى ان  تتألمى
كونى كالبركان  وفورى
كونى كالفيضان واغمرى
اغمرى قلبك  وارضك  بالحياة
وانهرى طغيان  قد  بلغ  مداه
وانشرى بسمه لمن عشقوقى
وارتوى من حب من  ضحى لينطقوكى
ثورى وفورى واصمدى
واياكى ان تعودى وتصمتى

ياحب  عمرى   تحررى ثم اهدأى
حتى تذوقى لذة الحرية وتهنأى
طارق  ياسين

انا مش عاوزك

انا مش عاوزك


========



كلمة صريحه لازم اقولهالك

وخدها نصيحه وحلقه ف ودانك

عارف ايه ارحل ارحل

انا مش عاوزك



كنت زمان بحسبنى انا ابنك

كنت القائد فى الجو افرحبك

ووقت النصر كنت باشاهدك

وبقيت ريس

وبقيت ريس فسقتنى بزلك

عمال تبنى وتعلى فى حزبك

واتفرعنت ومدامك وابنك

يخرب عقلك

اوعا تقوللى كان غصبن عنك

او اهمال اوسهو ده منك

ده شر بليه وانا مش هاضحك

انا مش عاوزك



مانا كمان ليا ولاد زى ماعندك

عمرى ماخدت شيئ مش حقى وكان من حقك

الفاسدين وابنك حاوطوك

ضحكوا عليك وكده غشوك

استفحلوا حواليك وباعوك

وقت الجد جروا وسابوك

دول مماليكك ولايوم حبوك

زى ماكنت زمان انا احبك

انا مش عاوزك



عملوا مابينك وبين شعبك حاجز

رغم فسادهم شيئ واضح بارز

كنت ف عينى شجاع ومبارز

امشى خلاص انا مش عاوز

حاجه خلاص من انسان عاجز

يمكن ربى يسامحك جايز

انا مش عاوزك



ليه بغباوتك تمحى تاريخك

انا مكسوف من توبيخك

وكده بعنادك بتنهى حياتك

ومفيش فى كرامتك شيئ يبقالك

كلمه اخيره انا اقولهالك

قوم واتنحى كده من نفسك

مش هتصدقنى لو قلت بحبك

رغم ماّسى وزل ف عهدك



لكن فاض بينا الكيل

كفايه تأويل او تهليل

واسم مصر مش بقليل

لاهى عاوزاك ولا انا عاوزك



مش عاوزك



طارق يس



29/1/2011

ثورة القلم

ثورة القلم



=======






بدأ القلم كلمته


الكلمة بقت ثوره






وخرج من علبته


ويامصر عيشى حره






عدا خلاص كبوته


بعد سنين مره






نطق القلم صرخته






فوقوا ولو مره










وقام القلم على حيله






صحا من ثبات ليله






وياويله اه ياويله






اللى يخاف حسره










نطق القلم بكلام






عبر عن الالام






والخدع والاوهام






اللى خدرونا بيها






والناس كانت صابره










اصمد ياقلم فى مكانك






لسه الامل قدامك






واحزر من سجانك






واللى مستنى مماتك






لياخدك على غره










انت معاك ربنا






والناس وانت وانا






واظن من حقنا






نعيش جوه هنا






ومنهجش كده بره










اياك من التخريب


ولاشماته ولا تانيب


وبكفيانا تعذيب


ولامجالس تأديب






حرك ياقلم ثوره






خلى الغضب موزون






ده عدونا مجنون






شوف عد كام مسجون






يتعدوا بالمليون






وعدو تانى يخون






مستنى هناك بره










اكتب ياقلم بحروفك






وحرر سكون خوفك






والكل هيسمع صوتك






جالك خلاص يومك






باراده واعيه وحره










اطلب ف مجتمعنا عداله






والقوت من غير بطاله






ومنعيشى كده عواله






ماهو برضه لينا كرامه






وبنشبع ولو بتمره






اكتب ياقلم من غير فتن






ده ياما عدت عليك محن






والمصرى عمره مايتوهن






واقروا تاربخنا من كم زمن






مين زينا ولو ذره










ودورك انت ياقلم






انك ترفع العلم






من غير دم او الم






ولو هنبدأ من العدم






اصمد وثور






مش فى الظلام






ده فجرك جاى بنور






وكل العرب هتثور






وكلنا بالدور






اكتب


انطق


صيح


اصرخ


ثور






مصر نا حره

بركان الغضب

بركان الغضب


========



يابركان الغضب خايف تفرقنا

وان جالك اللى يطفى نارك خايف يغرقنا

هو مين بقا مع مين

ثوره من منتحرين

واله عصابه من فاسدين

والله مانا عارف احنا بقينا تايهين

ننزل مننزلش

نثور منثورش

ازاى قولولنا ياناس مصر تعمر ومتخربش



فرررررراغ سياسى

وصداااع مسك راسى

اجى افتكر القانى كده ناسى

ماسك فى ايدى قلم واله ماسك فاسى

غضب من غير اسس يبقا مصيره قاسى

ع البر انا عايم واله ف البحر انا راسى



غاب عننا و من وسطنا القائد

يحسب الحسبه لا بناقص ولا زائد

نغلط يدلنا

يرشدنا فين حقنا

مش واحد يزلنا

والتانى يضلنا

وغيره يتاجر بنا

ومفيش غير ربنا

هو اللى عالم بنا

قادر يهدينا

وبالخير يكتبلنا

ويحمى كمان مصرنا

ويولى اللى يصلح لنا

بس احنا ننقى نفسنا

ونبطل منهج ال أنا

ونكون ايد واحده كلنا



قبل ماننداس

ونصبح كلنا مداس

لكل الناس

ويموت فينا الاحساس

وماتترفع لنا تانى اى راس



فاحذروا

ولا تتهوروا

ولا تنتحروا

بل اصبروا

واحتسبوا

واتقوا واتقوا واتقوا

حتى يأذن الله وتنتصروا



طارق يس

الطبل فى قلبى

الطبل فى قلبى


==========

الطبل فى قلبى بيعلا ويعلا وانا سامع دقاته

لما حبيبى عدا عليا وملى الدنيا بطيفه



فرحت عينى ورقص النن من جواها



وقالت احلى فرحه فى عمرى ولا ابدا انساها



دى لما حبيبى عدا عليا



نفسى انسى الماضى معاه

وانسى همومه وحتى اساه

واعرف قلبى مين يهواه

اصله عليل وحبيبى دواه

وانا طول عمرى باتمناااااه

واهوه جانى وعدا عليا



نفسى ادوق الحب وحلاوته

وانسى العمر اللى ضيعته

وانسى مرارته ويا قساوته

واعيش معنى الحب وغلاوته

مع حبيبى اللى عدا عليا



شوفوا النسمه اللى محوطاه

وانا يادوبك لسه بالقاه

امال لما يعيش ويايا

يبقى نسيم الدنيا معايا

ونعيم جنه فرحان بهوايا

اما حكايا ودى احلى حكايا

بدأت بينا لما لما لما

عدا عليا



طارق يس

بحبك

بحبك


=====

ماعرفش ايه اللى بيجرالى

بمجرد بس ماتقوليهالى

بحبك

ايوه قوليها كتير واروينى

خلى شقوق القلب تلم



زى م انا حاسك

كمان حسينى

وخلى القلب لقلبى يضم



عمرى انا راح

من غير مارتاح

عمر عقيم وحالته تغم



حنى عليا بشوق وحنين

خلى الفرحه لينا تعم



انا ليكى كتاب مفتوح

كفابه عليا شقى وجروح

سامعه ياروحى وروح الروح

زيحى عنى كل الهم



متجبليش سيرة فراق

انا مش عاوز لهيب اشواق

ولا كلام مليان بزواق

انا مش عاوز غير بس تقولى

بحبك

بحبك

بحبك



بس قوليها لبا كتير

وليا انا وحدى اصلى باغير

فوليها بسرعه وبدون تفكير

مهما هيحصل

حبى انا ليكى مفهوش تغيير

هافضل احبك

وادخل قلبك

لا بتضليل ولا بتزوير



اصل انا حبى حب حقيقى

وعمرى ماخون حتى صدبقى

وده صديقى ..

امال ايه هيكون لحبيبى؟



هيكون حبى من غير اوصاف

وقلبى عليه دابما بيخاف

وده احساس بتحس

مش يتشاف

بس قوليلى بحبك

بحبك

بحبك

بس قوليها ليا كتير

سحرها فيا له تأثير

قولى بحبك

طارق يس

بيداء قلبى

بيداء قلبلى


=======



ااااااه يابيداء قلبى التى

تهت بكى فتبا لكى



ظمأن لنفطة حب قد تشفى علتى

فان لم ارتوى من سيؤنس وحدتى

فتزبل حياتى انظرى كيف صارت وجنتى

وقد جفانى النوم وتعبت مقلتى

فى انتظار حبيبه تحيى معى جنتى



حبيبه تزرع الاغصان فيكى

وبأشواقها تعلو وترنو معانيكى

وبسهدها وحنانها تبقى لترويكى

تشكو الىّ مابها

تسدل عليا رموشها

تطل عليا بعيونها

يدنو منى فلبها

وبعطفها وحبها تثريكى



واشكوا لها اهاتى

واقص كل حكاياتى

وشطحاتى فى خيالاتى

وكثرة اشتياقى ولوعتى

كم انتظرت

وعانيت

وارتقبت قدومها

وبالاحلام عشت

فرحها وهمومها

فنفذ صبرى مع قلة حيلتى

فزاد اشتياقى وكثرت لوعتى

يا بيداء قلبى التى

اوهنتنى

ارهقتنى

دمرتنى

فازلتنى

وفى الثرى وارتنى



اارثى نفسى ام قلبى

ام الرثاء لك ولحالتى

ام انوح بالبكاء

كالطفل يحبو بالعراء
او كغراب يحلق بالفضاء
وبما يفيد الرثاء

قالدنبا فناء وفناء وفناء



فااااااااه منكى يابيداء قلبى التى

جعلتنى حطام انسان وياويلتى

اانتظر ماتبقى من عمرى لحبيبتى؟

بعد ان تيبس جدار قلبى وضاعت محبتى؟

تبا لها وتبا لكى

تبا لها وتبا لكى

يابيداء قلبى التى

اماتتنى



طارق يس

Facebook

Facebook

انا قررت

انا قررت


=====



انا بالحب خسرت كتير كتييييير اوى



وتعب قلبى لانه كبير كبييييير اوى



علشان كده انا فكرت



وفى النهايه اكيد قررت



قررت انهى المسأله



اللى فى حياتى مشكله





حرمت على نفسى احب خلاص



وهاعيش وارتاح من غير قلب خلاص



ولا حبيب لقيت منه اى ى ى اخلاص





كانى انا من عالم تانى



انا باعانى وقلبى يعانى



وفجأه الاقانى كده وحدانى



توهه واخدانى



اهات ألمانى



وكل حبيب القاه ينسانى



كان فى البدايه بيترجانى



اه منه اااااه ومن زمانى



غدر وخيانه

زله ومهانه

اااه يانا يانه





كنت كتير اصبر واسامح



ولما اعاتب ارجع واصالح



وبألم قلبى اخاااااف اصارح



انا انهارده غير امبارح



انا انهارده غير امبارح





هاقول وداااااع للحب



كفايه خدااااااع للقلب



ومش هابص لزكرياتى



ولا اعيش تانى اهاتى



انا مش هاحب غير بس ذاتى



انا قررت





انااااااااااا قررت







طارق يس





1/1/2011