باتمناكــــــــى
=======
====
باتمناكى من كل قلبـــــى
بس قلبى كان لازم يخبـــى
احسن مالدنيا تضحك عليا
بعد ما يوم كانت تضحكلى
يمكن حبك اصبح زنب ليا
زنب جميل وربى هيغفرلى
لانى حقيقى باتمناكى
اصل انا حبى ليكى طاهر
ومشغول بيكى ودايما ساهر
وكنت بافكر انى انا شاطر
وجربت ابعد لكن مش قادر
وبكل جوارحى باتمناكى
قلبى خلاص اتعلق بيكى
وعاوز اعمل اللى يرضيكى
تخيلى انك هنا ويايا
وعيشى اللحظه الحلوه معايا
لانه حقيقى اللى جوايا
بادوب فى هواكى
واتمناكى
سيبى الحبل كده لخيالك
هتلاقينى معاكى باتخيل
ولو كان حلم نصحى ونكمل
ونحلم تانى ونعيد م الاول
وحضنى وقلبى فى استقبالك
واقع او حلم باتمناكى
خلى الصمت يزول
وخلى الحلم يطول
وننطق بشوقنا ونقول
ليه ليه احنا نتألم
دى دقات قلوبنا بتتكلم
انا محتاج من حبك اتعلم
بعد ماقلبى خلاص كده سلم
ويفضل دايما يتمناكى
طارق يس
مرحبا
ارحب بجميع الزائرين تلك خواطرى وهى ليست شعرا بالمعنى الحقيقى ولكنها مشاعرى ومشاعر من حولى انسجها من الخبال او من واقع الحياة خاصة بى او من حولى واقولها دائما انا لست بشاعر ولكن لدى مشاعر
=
تحياتى طارق ياسين
