شايفه عنيك حزينه

شايفه عنيك حزينه
===========

مهما اتبسمت شفايفك شايفه عنيك حزينه
مش عارفه ايه حكايتك صارحنى بالحقيقه
وافتح ليا قلبك يانا من عينك البريثة
ابصلها وابصلك القاها بتهرب منى
مهما تكون بسمتك ماهش غريبه عنى
وشعورى من ناحيتك عمره ف يوم مايخونى

قلقتنى
وحيرتنى
وشغلتنى

كلمنى واسمعنى
قلبى عمره ماخدعنى
واحساسى ابدا ماباعنى
الحيره دى بتوجعنى
للوحده ليه ترجعنى
وسكوتك ماهيمنعنى

فضفض واتكلم
قلبى كده بيتألم
ياما شاف م الزمن واتعلم
وعمره ملليأس هيسلم
اتكلم


ليه تحيرنى معاك
وتدارى ليه أساك
دا انا دايبه فى هواك
وهاتحمل معاك
ولفين ماتروح وراك
وعلى طول هاكون وياك

لو كنت خايف انى ابعد ا نا مش هاسيبك
اوعى تفكر يوم قلبى هيكون لغيرك
انا مستحيل ابعد عنك
خلاص د قلبى بقى ملكك
ومن نصيبك
ودايما حبيبك

واله تكون انت اللى ناوى ع الهجر يكون
او ناوى ترحل وتسيبنى وللقلب تخون
و العشرة تهون ؟ ابدا ماتهون

لو بس انت تصارحنى ومتحيرنيش
واله انت غاوى تتعبنى وتغلبنى ومتريحنيش
طب كلمنى وفهمنى ازاى راح أعيش

لو دمعه جوه عنيك سيبها براحتها تنزل
ولو هم كتير عليك خلى دموعك ليه تغسل
وانا هنا بين اديك راح احبك اكتر م الاول

تعالى جنبى
هنا ياقلبى
وضمنى
واحضنى
وقربلى
واتبسملى
وخلى عنيك تعبرلى
عن كل شيئ
او اى ضيق
لسه الحياه بتندهلك وتندهلى

طارق يس