ساكته ليه كلمينى
===========
ساكته ليه كلمينى
وبتقوليلى بتسمعينى؟
واله بتسمعى المى وانينى
بتسمعينى؟
لما فجأة انك تبعدينى
وللاحزان ناويه ترجعينى
انتى كده بتوجعينى
لسه برضه بتسمعينى؟
ساكته ليه كلمينى
لو ضايقتك امنعينى
لو جرحتك سامحينى
لكن انتى ما تجرحينى
قربيلى وارحمينى
ده انتى قلبى ونور عينى
لسه برضه بتسمعينى
ساكته ليه كلمينى
بتقوليلى ياروح قلبى؟
لو حقيقى بصوتك انتى متعينى
وبالحنان والدفا تبقى تراعينى
وبالسماح والصفا ليكى ترجعينى
عاوز اسمعك زى مانتى بتسمعينى
ساكته ليه كلمينى
تحبى اشوفك وتشوفينى؟
طب مانا شايفك
عقلى فيه كل ملامحك
اصل قلبى فى لحظه حبك
بس مشتاق لصوتك حتى همسك
عارف صورتك؟؟؟
قدام عنيا بتراقبنى
بتقولى انت حبيبى وابويا وابنى
بس بعدك عنى متوهنى ومغلبنى
ولهيب شوقى ليكى بيعاتبنى
والعمر اللى بينا بيعاندنى
والجمال اللى فى عيونك شاددنى
والسحر اللى بوشك قام واخدنى
حتى ليللك بان فى شعرك وفيه سهرنى
والشفايف تقوللى ياله هنا دوبنى
ومن حنانك ويا حضنك اسقينى ودوقنى
واصحى فجأه من خيالى
ألقى سهرى فى الليالى
كان ده وهم او حلم عالى
قلت ياريت كان فضل قلبى خالى
والقى واقع بيحاسبنى
بيقولى فوق واصحى يابنى
لسه برضه بتسمعينى
ساكته ليه كلمينى
واله ناويه تعذبينى
وتزرعى البكا ف عينى
لو مش حقيقى كلمينى
او قومى ياله واحضنينى
وعوضينى عن حرمان سنينى
لسه برضه بتسمعينى
طب سلام ومش مهم تكلمينى
طارق يس
مرحبا
ارحب بجميع الزائرين تلك خواطرى وهى ليست شعرا بالمعنى الحقيقى ولكنها مشاعرى ومشاعر من حولى انسجها من الخبال او من واقع الحياة خاصة بى او من حولى واقولها دائما انا لست بشاعر ولكن لدى مشاعر
=
تحياتى طارق ياسين
