باغير عليكى
========
انا مهما اقول كلام مش هيكفى
ومهما ابعد مع الايام الوحده مبتدفى
يكفينى حبك وحضنك هو اللى بيشفى
عاوز اسمع كلامك انتى
يمكن يطمنى فى حيرتى
واطفى بيه لهيب غيرتى
لانى باغير عليكى
من كل شيئ حواليكى
باغير من الكلام اللى طالع من شفايفك
تعرفى ..باغير عليكى حتى من ملابسك
وازاى تسمحيلها تمس جسمك
باغير من الهوا اللى يمس شعرك
باغير من كل اللى يقابلك او يصادفك
باغير من اللى يكرهك او يحبك اويصادقك
باغير عليكى من يسمع حتى همسك
باغير عليكى من مرايتك
وازاى هيا تشوف كل ملامحك
باغير كمان وكمان وكمان
ومن اى شييئ كان
باغير حتى من الزمان
اللى عرفك قبل منى
باغير عليكى من المكان
اللىسكنتيه قبل قلبى
باقولك ايه
باغير عليكى
من كل ايه
وايه وايه
طارق يس
مرحبا
ارحب بجميع الزائرين تلك خواطرى وهى ليست شعرا بالمعنى الحقيقى ولكنها مشاعرى ومشاعر من حولى انسجها من الخبال او من واقع الحياة خاصة بى او من حولى واقولها دائما انا لست بشاعر ولكن لدى مشاعر
=
تحياتى طارق ياسين
