متزعلش منى

متزعلش منى  ياوطن 
=======

متزعلش منى ياوطن

وانا عاجز إزاى أرضيك

وازاى لجزء من خيرك

ولحقك اعرف أوفيك 

مش هاقول شعارات

واغنى بالروح افديك

لانى درت وثرت

وفكرت ودبرت 

 وقسيت وعنيت

وفى وش الريح هبيت

لكنى عاجز  ياوطن

ترضينى وأرضيك


وكل واحد جواك او براك

عمال بينهش فيك

زهقت منى لما أعانى

وف كل مرة أجيك

أوقات اشتيكيلك

واوقات تانيه أشكيك

فمتزعلش منى

واستحملنى

وسامحهم وسامحنى

لانى هافضل احبك

لا هاسيبك ولا اهاجرك

ولسه عندى أمل

ورب العباد حاميك


طارق ياسين

كتاب الصيام -دار الإفتاء المصرية 1434 ه

كتاب الصيام -دار الإفتاء المصرية 1434 ه

محمد منير - حدوتة مصرية - كاملة بدون حذف - HD

حلمت إمبارح

حلمت امبارح
=====

حلمت امبارح بالملايه اللف
وناس رايحه وناس جايه
 وناس طمعانه ومتحايله 
وناس عينها كانت زايغه
وناس باصه ومش  شايفه
وجمالك والله مكان له وصف
حلمت امبارح بالملايه اللف
ملايتك كانت فى لونها سواد
لكن سحرك غطى عليها وزاد
حماكى الله من الحساد
 يابلدى يا ام الملايه اللف
غازلوكى
 وعاكسوكى
وقال للعتمه هياخدوكى
 لكنك قمتى واقفالهم
وبملايتك فرشتيلهم
وبان الخوف فى عيونهم
 وانا لبيت لنداكى 
وقلت بروحى افديكى
وجريوا كلاب السكك حواليكى
ومن خوفهم ضحكتيلى
 وكان ثوبك بيدعيلى
وثوبك كان 3 الوان
احمر وابيض واسود
ونسرك عزف ألحان
وفجرك خلاص اهو بان


بيوم نصرك
بيوم سعدك
ويوم أمنك
وده حلمى بيتحقق
ونورك فى الوجود يبرق
 ياحلوة ياعروسة الازمان
وحافظك خالق الاكوان
ياعمرى
ياأم الملايه اللف

يامصر

30/6/2013

 طارق ياسين

مشاهد تاريخيه قام بتصويرها المخرج خالد يوسف من طائرات الجيش ويحكى سر حاد...

فاض بينا الكيل

فاض بينا الكيل
========

فاض بينا الكيل

من عهد فساد لعهد جبان

والكيل مليان

كده من زمان

من قبل الثوره فى الميدان

وسرقونا وسرقوا الحلم معانا

وقال إيه إخواااااااااااان

ولا حسوا بجوع واحد غلبان

ولا عرفوا ايه معنى إنسان

وياخوفى يابلدى زرعك عطشان

وقال إيه إخواااااااااااااااااااان

وفاض بينا الكيل

وشفنا الويل

من عهد فساد لعهد جبان

وجهل قيادته يوم ورا يوم بيبان

لكن هنكمل خطاوينا

ونحقق كل أمانينا

ونرجع تانى ثورتنا

فى كل ميدان

لجل ولادنا واهالينا

تعيش فى أمان


طارق ياسين

 27/6/2013

 

تطوير الذات ،كل ماتحتاجه لتكون الأفضل.: حلل شخصيتك

تطوير الذات ،كل ماتحتاجه لتكون الأفضل.: حلل شخصيتك

قصايدى ليكى

قصايدى ليكى

======

صدقينى ممكن اكتب قصايد الكون عليكى

لانها احساس صادق والكلمات مش هتكفيكى


من حروفى هتعرفى ازاى قلبى بيدوب فيكى

ومشتاق اليكى

ونفسه نظره من عنيكى

ودقات قلبى بتسلم عليكى

فاكره يومها لما التقيت بيكى ؟

كانت عنيكى هى اللى بتتبتسملى


ومرة واحده تخجل وتهرب منى وتسيبنى


وتفضل عيونى تتابعك من بعيد لبعيد
.

خايف للناس تشوفنى وتلاحظ وانا سعيد


يمكن كلامى فيه شيئ من الخيال


لكن اعتبريه كتير من الآمال


لو شيئ محال


خلينى هايم فى الجمال


واهدى قصايد الحب ليكى


طارق ياسين

سامحنى ياقلبى

سامحنى ياقلبى

=======

هافضل ضاغط عليك  ياقلبى

مهما الحب يناديك

وانا بايدى  هاقسى عليك

وهاموت الاحساس فيك

مانا كل يوم  باموت معاك

وكل لحظه  اسمع شكواك

قوللى انت ازاى أحميكك

غير انى انسى هوايا

وانت تنسى هواك


مانت نصيبك  كده

وانا حالى كده

محتار مابين ده وده

ومش هاعرف  يااااااقلبى أرضيك

تهت بيا وتهت بيك

تهت بيا وتهت بيك

واصبر معايا

واتحمل أسايا

يمكن يوم ارتاح

وتلقى اللى يراعيك

لازم أضغط عليك


طارق ياسين



 

عينى فى عينك

عينى ف عينك
=========
عينى ف عينك

وانتى ولا على بالك حاجه

قلبى ندهلك

وكل دقه من دقاته ليكى محتاجه

استنيت تتكلمى ..فمنطقتيش

استنيت تتبسمى..متبسمتيش

عينى ف عينك

لو حسيتى

كنتى قوليلى

حتى مابينى وبينك

قلبك قاسى

وعامل ناسى

ودستى معاه على قلبى

ومرحمتيش

سمعتى بنفسك  كل أنينه

برضه مشيتى
ومسألتيش

طب بشويش
عينى ف عينك

طارق ياسين

حلمت بأنى قد عدت الآن

حلمت بأنى قد عدت الآن
========
=====
====

انا عاشق ولهان

تهت فى سبيلك

بين المدن والوديان

اترنح بين الاماكن

مابين ذهاب واياب

ابحث عن وطن آمن

وطرقت كل الابواب

لم أجد غير قلبك وطنا

لم أجد غير قلبك وطنا

ينسينى كل الاحزان

ويأوينى من كل الاعتاب

وطن بلا  عذاب

يلجأ اليه العشاق والاحباب

فاعذرينى ان غبت يوما

عن عتبة قلبك

فهى أأمن من كل الاعتاب

وانا جاهز لعتابك

ان أردتى

وسأتقبل منك كل لوم وعتاب


فبدونك لن يعرف أحدا

علما أو حبا أو دينا

فقد مر عليك كل الأديان

ويشتاق كل الخلق اليك

ولشربة من نيلك عبر الازمان


ياقلب الدنيا والبلدان

ياعمرى ..

ياماضى وحاضر وتاريخ

كل البشرية والأوطان

حلمت بأنى

قد عدت الآن


طارق ياسين

أى دم هذا ؟؟؟

أى دم هذا؟؟؟
==========

أى دم هذا الذى يهدر

أى نظام هذا يبطش ويدمر

أى بشر هذا يهدد وينهر

أيوم أحد جاء بعدما جاء يوم بدر

ألا يعلموا ان الله حى لايقهر

وأين نحن  وأين ثورتنا

تاهت بأيديهم أم بتفككنا

وسارعنا نلملم ونجمع فى مغانمنا

أين المغانم؟

وأين المكارم؟

لقد فاض دمع العين ومازال ينهمر

وزاد جرح الفؤاد من كثرة الغدر

يااااااااااااااااارب

لك وحدك اشكى ضعفى
وقلة حيلتى

ياااااااااااااااارب

اطلب منك رحمة بأهلى
ووطنى

يااااااااااااااااارب

ثبتنا على الايمان

وأمن لنا الأوطان

وأنتقم من كل ظالم قد خان

وادخل شهداء نا  الجنان

والهمنا واهليهم الصبر والسلوان

آمين


طارق ياسين

ستكون يوما مجرد ذكريات

ستكون يوما مجرد ذكريات
================

أنا أنقل واقع بالكلمات

ولا استسلم لليأس ولاللخيالات

ولكن أشد مايؤلمنى فى تلك الآهات

شعب يتوه وسط المتاهات

 فاختلطت حتى أحاسيسه

بين الفرح و الحزن

 وكأن الإحساس مات

 وكوارث تحيط به وسط الصراعات

وتشوهت كل الالحان
 وتحورت كل العبارات
 لتصبح مجرد نغمات

حتى الدين على رأس التجارات

ودروب غارقة فى الإشاعات

وفهم خاطئ للحق والحريات

همجية وتدنى فى الخلق

 ونطلق عليه تجاوزات

ونسينا ماثرنا من أجله

 ونسينا حتى الشعارات

مزقنا الوطن بايدينا

وطمسنا معالم ثورتنا

وظهرنا على كل الشاشات

نغتاب ونهجو ونسب

 ويعلو بكائى كالضحكات

وكأن إنفصام أصاب كل الشخصيات

 حتى لم اعلم أأصبحنا

 أحياءنحن أم أموات

وبرغم أهاتى وبرغم شجونى

 وبرغم أناتى وبرغم ظنونى

لم تأتى بعد لحظة جنونى

ومازلت لا أيأس

ولن ترجع قدمى لما فات

وسأنظر للفجر القادم

 الآتى الينا بالخيرات

فالله رحيم بعباده

أنعم علينا بالنعمات

وسياتى اليوم لنتذكر

 تلك الآهات

بانها ماهى الا
 .
.
.
.
.
.
مجرد ذكريات

طارق ياسين

أنا مش عارفاه

أنا مش عارفاه

========

انا مش عارفاه 

انا مش حساه

ولاعمره كان حبيبى

علشان أنساه

ولا قلبى هواه

وازاى تقولوا ده نصيبى

انا مش فاكراه

ولا قلبى يوم إستناه

وكفايه ياعينى من تعذيبى

أنا مش  شايفاه

لا  هاقول  الآه

ولا هترجاه 

زى ماهو نسى اللى بينا

ونسى اللى كان من غرامنا

ويا اللى فات من احلامنا

ليه  تانى ألقاه

ومين دى اللى معاه

بكره يخونها زى ماخانى

ياريتها كانت تسألنى

هيهين قلبها زى ماهانى

وتنسى زكراه

لتتوه وياااااه

وياعينى دارى عليه دموعى

و متحسسهوش لحظة خضوعى

وطفى شمووووعى

مش هاجرى وراه

ولا هاترجاه

وانا من دلوقتى لكرامتى

مش هديه فرصه لاهانتى

ولازم أقول 

أنامش عارفاه

أنامش حسااااه

طارق ياسين

وسط الرحايا

وسط الرحايا
=========

وسط  الرحايا
ياشعب المطحونين

وانتوا الضحايا
لظلم الطماعين

وبلدنا ياعينى  عليها
الكل عمال ينهش فيها

باعو  الضمير
وسرقوا الكتير
وبيحرمونا من التغيير
واياك ياشعب تفضل أسير
فى  وسط الرحايا

فتن
محن
ودم من غير  ثمن

تضليل
تهليل
تبجيل لصناع الألم
وكل طيف له علم
بعد ماشهدتلك كل الأمم
بثوره رافعة للهمم

يااااااارب
ياااااا رب ملناش غير رحمتك
تحمى  بلادنا بقدرتك وقوتك

وتفك كرب المطحونين
واجعلنا من المهتدين
الصابرين
المبصرين
وانقذنا
من وسط الرحايا

طارق ياسين

إسأل لياليك

إسأل لياليك

========

إسأل لياليك

قد  ايه بسأل عليك

وأشتاق إليك

وقد ايه قلبى ملك إديك

ياللى فات عمرى كله يدور عليك

بحـــــــــــــــــــــــــــــــــــــــــــبك

كل الكلام مليان حروف

مش قادره اوصف وجوايا خوف

أقولك ايه ؟ بحبك ؟.وانا  قلبى  ليك ملهوف

كلمة بحبك دى رمز لكل الحروف

بحـــــــــــــــــــــــــــــــــــــــــــبك

عينى تستنى لقاك

وروحى دايبه فى هواك

وقلبى يتمنى بس  رضاك

قللى بقا ازاى انساك

بحـــــــــــــــــــــــــــــــــــــــــــبك

تشرق أو تغرب

تبعد أو تقرب

شوقى ليك بيشرب

من حبى فيك وجرب

حتى جرب

بحـــــــــــــــــــــــــــــــــــــــــــبك

حتى جرب تبعد عنى لحظه

أوتغيب عن  عينى  لمحه

واسأل الهوا وكل نسمه

تلقى روحى  ليك رايحه

وايدى تشتاق لحضن ايديك

والقى سحر شاددنى من عنيك

كل ده ومش عاوزنى أسأل عليك؟

ده أنا عايشه ليك ..وعايشه فيك

وتشهد عليا كل النجوم حواليك

وإسأل لياليك

وإسأل لياليك

بحـــــــــــــــــــــــــــــــــــــــــــبك

كلمات طارق ياسين

كنت لى

كنت لى

==============

كنت لى عمرا     اهملته   فضاع منى




كنت لى برا       تركته   فتاه  عنى



كنت لى امنا      والان غاب  امنى




كنت لى حبا       اضعته  فضيعنى



كنت لى شمسا       فى البرد تدفئنى




كنت لى نفسا       والنفس الان تؤلمنى




تؤنبنى



تؤرقنى



تلفظنى





فلم  يبقى لى منك ولا من الايام


  

غير  توبة  واملا  فى  قلب قد  يسامحنى



ام  هذا    درب   من  الاوهام




 ام  هى  مجرد احلام  تراودنى



ام اصبحت  حياتى   كلها  حطام


   

ولن  تجد من يلملمها  فلترحمنى


        

فلترحمنى



فلترحمنى



 ولتصفح  عنى





طارق  ياسين
============
صفحت  عنك  ياوطنى  ......ورغم آلامك لى وبعدك  عنى  ......فمازلت  أنت عشقى  وحبى.......والذنب  ليس ذنبك  بقدر ماهو  ذنبى  ......ولتصفح  أنت .ولتصفح أنت .ولتصفح أنت  عنى.......ولكن ليتك تشعر بى...............طارق  يس

قتلونااااااااااا

حسبنا الله ونعم الوكيل
===========
قتلونااااااااااا
======


قتلوا فينا كل شيئ جميل
 .
قتلو فينا الامل ومفيش بديل


قتلوا احلامنا البريئة


قتلوا ارواحنا الجريئة


قتلونا قبل مانتولد ومن اول دقيقه


......قتلوا بينا الحقيقه........


لسه باقى فينا ايه


كام شهيد وكام اتصفت عنيه


من غير حتى منعرف ده كله ليه


اياك حد يقول لسه انه  عايش


فى ظل كدب و ظلم حكم باطش


كل منقول خلاص   كفايه


نلقى منهم  قمع ملوش نهاية


هو  ميت هتموتوه  ليه تانى 


والى ميت هيحس او حتى يعانى


افهموا  يادولة الظلم الكل فانى
الكل فانى
الكل فانى


.......
انا ميت وقلمى صاحى
يمكن بعد الليل ييجى صباحى
.........


طارق ياسين

كشف حساب

كشف حساب 
=========


فاتت سنه لازم نتحاسب


واعرف ايه منى اتحقق


وانا مش جايه ليكم اعاتب


وعاوزه اعرف من لسه بيخنق


كل م افرح القاه جايب


تهم وبلاوى وبكدب يلفق


امسك حرامى لو انت الحامى


وشيل قلاديشك من قدامى


روح  وانزاح
واوعى تفكر


دم  شهيدى
عدا  وراح


واياك تغدر
ولسه مصابى
بعينه م ارتاح


تعمل عبيط او قرطاس
ام  الشهدا  عاوزه قصاص
لا مندسين ولاحتى حماس
او بلطجى او واد قناص


سيبك بقا من الألاعيب
لا انتخابات او مجلس فى الجيب
كش ياشايب واحسنلك عيب
هما يومين وشمسك هتغيب


زى ماسيدك عامل مستموت
وانت مفكر انى بافوت
اصحا وفوق
وغور بالزوق
وسيبنى وارحل زى فاروق


كشف حسابك تقل ويايا
وربى  وشعبى كله معايا
مش ناسيالك كل تاريخك
بس كفاية كده توبيخك


سلم  يالله  ليا السلطه
كفايه سنه عدتنى اونطه


وسلم معاها كمان البدلة
كفاية اهانتها  وشرف المهنة
واوعى تقول جيشى هيحمينى
ده مش جيشك 
وقدام ربى مش هيغيتك
وهو بدوره  له كشف حساب
وربنا  عادل 
عنده الرحمة وعنده عذاب
وعمر ماعدله عننا غاب
 ولكل منا أجل و  كتاب
ويا  ملايكه  على الابواب


قوم نتحاسب


امضاء :  انا الثورة
.................
كلمات طارق ياسين

أى دم هذا

أى دم هذا؟؟؟
==========


أى دم هذا الذى يهدر


أى نظام هذا يبطش ويدمر


أى بشر هذا يهدد وينهر


أيوم أحد جاء بعد بدر


ألا يعلموا ان الله حى لايقهر


وأين نحن  وأين ثورتنا


تاهت بأيديهم أم بتفككنا


وسارعنا نلملم فى مغانمنا


أين المغانم؟


وأين المكارم؟


لقد فاض دمع العين ومازال ينهمر


وزاد جرح الفؤاد من كثرة الغدر


يااااااااااااااااارب


لك وحدك اشكى ضعفى 
وقلة حيلتى


ياااااااااااااااارب


اطلب منك رحمة بأهلى
ووطنى


يااااااااااااااااارب 


ثبتنا على الايمان


وأمن لنا الأوطان


وأنتقم من كل ظالم قد خان


وادخل شهداء نا  الجنان


والهمنا واهليهم الصبر والسلوان


آمين




طارق ياسين