مرحبا
ارحب بجميع الزائرين تلك خواطرى وهى ليست شعرا بالمعنى الحقيقى ولكنها مشاعرى ومشاعر من حولى انسجها من الخبال او من واقع الحياة خاصة بى او من حولى واقولها دائما انا لست بشاعر ولكن لدى مشاعر
=
تحياتى طارق ياسين
الأحد، 15 أبريل 2012
وسط الرحايا
وسط الرحايا
وسط الرحايا
وانتوا الضحايا
وبلدنا ياعينى عليها
باعو الضمير
فتن
تضليل
يااااااارب
وتفك كرب المطحونين
الخميس، 8 مارس 2012
إسأل لياليك
إسأل لياليك
========
إسأل لياليك
قد ايه بسأل عليك
وأشتاق إليك
وقد ايه قلبى ملك إديك
ياللى فات عمرى كله يدور عليك
بحـــــــــــــــــــــــــــــــــــــــــــبك
كل الكلام مليان حروف
مش قادره اوصف وجوايا خوف
أقولك ايه ؟ بحبك ؟.وانا قلبى ليك ملهوف
كلمة بحبك دى رمز لكل الحروف
بحـــــــــــــــــــــــــــــــــــــــــــبك
عينى تستنى لقاك
وروحى دايبه فى هواك
وقلبى يتمنى بس رضاك
قللى بقا ازاى انساك
بحـــــــــــــــــــــــــــــــــــــــــــبك
تشرق أو تغرب
تبعد أو تقرب
شوقى ليك بيشرب
من حبى فيك وجرب
حتى جرب
بحـــــــــــــــــــــــــــــــــــــــــــبك
حتى جرب تبعد عنى لحظه
أوتغيب عن عينى لمحه
واسأل الهوا وكل نسمه
تلقى روحى ليك رايحه
وايدى تشتاق لحضن ايديك
والقى سحر شاددنى من عنيك
كل ده ومش عاوزنى أسأل عليك؟
ده أنا عايشه ليك ..وعايشه فيك
وتشهد عليا كل النجوم حواليك
وإسأل لياليك
وإسأل لياليك
بحـــــــــــــــــــــــــــــــــــــــــــبك
كلمات طارق ياسين
الأربعاء، 29 فبراير 2012
كنت لى
كنت لى
==============
كنت لى عمرا اهملته فضاع منى
كنت لى برا تركته فتاه عنى
كنت لى امنا والان غاب امنى
كنت لى حبا اضعته فضيعنى
كنت لى شمسا فى البرد تدفئنى
كنت لى نفسا والنفس الان تؤلمنى
تؤنبنى
تؤرقنى
تلفظنى
فلم يبقى لى منك ولا من الايام
غير توبة واملا فى قلب قد يسامحنى
ام هذا درب من الاوهام
ام هى مجرد احلام تراودنى
ام اصبحت حياتى كلها حطام
ولن تجد من يلملمها فلترحمنى
فلترحمنى
فلترحمنى
ولتصفح عنى
طارق ياسين
============
صفحت عنك ياوطنى ......ورغم آلامك لى وبعدك عنى ......فمازلت أنت عشقى وحبى.......والذنب ليس ذنبك بقدر ماهو ذنبى ......ولتصفح أنت .ولتصفح أنت .ولتصفح أنت عنى.......ولكن ليتك تشعر بى...............طارق يس
الثلاثاء، 7 فبراير 2012
قتلونااااااااااا
حسبنا الله ونعم الوكيل
===========
قتلونااااااااااا
======
قتلوا فينا كل شيئ جميل
.
قتلو فينا الامل ومفيش بديل
قتلوا احلامنا البريئة
قتلوا ارواحنا الجريئة
قتلونا قبل مانتولد ومن اول دقيقه
......قتلوا بينا الحقيقه........
لسه باقى فينا ايه
كام شهيد وكام اتصفت عنيه
من غير حتى منعرف ده كله ليه
اياك حد يقول لسه انه عايش
فى ظل كدب و ظلم حكم باطش
كل منقول خلاص كفايه
نلقى منهم قمع ملوش نهاية
هو ميت هتموتوه ليه تانى
والى ميت هيحس او حتى يعانى
افهموا يادولة الظلم الكل فانى
الكل فانى
الكل فانى
.......
انا ميت وقلمى صاحى
يمكن بعد الليل ييجى صباحى
.........
طارق ياسين
الأحد، 5 فبراير 2012
كشف حساب
كشف حساب
=========
فاتت سنه لازم نتحاسب
واعرف ايه منى اتحقق
وانا مش جايه ليكم اعاتب
وعاوزه اعرف من لسه بيخنق
كل م افرح القاه جايب
تهم وبلاوى وبكدب يلفق
امسك حرامى لو انت الحامى
وشيل قلاديشك من قدامى
روح وانزاح
واوعى تفكر
دم شهيدى
عدا وراح
واياك تغدر
ولسه مصابى
بعينه م ارتاح
تعمل عبيط او قرطاس
ام الشهدا عاوزه قصاص
لا مندسين ولاحتى حماس
او بلطجى او واد قناص
سيبك بقا من الألاعيب
لا انتخابات او مجلس فى الجيب
كش ياشايب واحسنلك عيب
هما يومين وشمسك هتغيب
زى ماسيدك عامل مستموت
وانت مفكر انى بافوت
اصحا وفوق
وغور بالزوق
وسيبنى وارحل زى فاروق
كشف حسابك تقل ويايا
وربى وشعبى كله معايا
مش ناسيالك كل تاريخك
بس كفاية كده توبيخك
سلم يالله ليا السلطه
كفايه سنه عدتنى اونطه
وسلم معاها كمان البدلة
كفاية اهانتها وشرف المهنة
واوعى تقول جيشى هيحمينى
ده مش جيشك
وقدام ربى مش هيغيتك
وهو بدوره له كشف حساب
وربنا عادل
عنده الرحمة وعنده عذاب
وعمر ماعدله عننا غاب
ولكل منا أجل و كتاب
ويا ملايكه على الابواب
قوم نتحاسب
امضاء : انا الثورة
.................
كلمات طارق ياسين
أى دم هذا
أى دم هذا؟؟؟
==========
أى دم هذا الذى يهدر
أى نظام هذا يبطش ويدمر
أى بشر هذا يهدد وينهر
أيوم أحد جاء بعد بدر
ألا يعلموا ان الله حى لايقهر
وأين نحن وأين ثورتنا
تاهت بأيديهم أم بتفككنا
وسارعنا نلملم فى مغانمنا
أين المغانم؟
وأين المكارم؟
لقد فاض دمع العين ومازال ينهمر
وزاد جرح الفؤاد من كثرة الغدر
يااااااااااااااااارب
لك وحدك اشكى ضعفى
وقلة حيلتى
ياااااااااااااااارب
اطلب منك رحمة بأهلى
ووطنى
يااااااااااااااااارب
ثبتنا على الايمان
وأمن لنا الأوطان
وأنتقم من كل ظالم قد خان
وادخل شهداء نا الجنان
والهمنا واهليهم الصبر والسلوان
آمين
طارق ياسين
الثلاثاء، 6 ديسمبر 2011
لسه بدرى على الفرح
لسه بدرى على الفرح
=============
لسه بدرى على الفرح
ياعرايس شيلوا الطرح
فى البداية خالد سعيد
ولسه دم كام شهيد
فى الميدان قام انطرح
وكام اتعمى وكام انجرح
لسه بدرى على الفرح
آه بدينا يوم جديد
ومستنيين زفاف وعيد
وياللى فكرك أوام سرح
واكتفيت وقلت حالنا انصلح
لسه بدرى على الفرح
لسه تارنا مع اللى خان
واللى سرق روح الميدان
واللى قتل حلمنا من زمان
واللى خلى عمرنا ف هوان
حس مرة انك انسان
لاتهان وعيش فى أمان
حس صوتنا اللى اتنبح
وشبابنا اللى اندبح
لسه بدرى على الفرح
ياعرايس شيلوا الطرح
لما فجر ييجى يوعد
لما الشهيد دمه يبرد
لما امه تاخد عزاه وتسعد
لما الجرذان تمشى وتبعد
لما طريقك يترسم على شيئ محدد
مش سوس بينخر ودايما يهدد
لما احس انا وانت باننا واحد
لما يقوى عزمنا وبقلب صامد
لما نبنى مجد مصربجهد جامد
ونحتسب بربنا هو اللى قادر وشاهد
ساعتها هبكون الفرح
والعرايس تلبس الطرح
لسه بدرى على الفرح
كلمات طارق ياسين
الجمعة، 2 ديسمبر 2011
الصديق
الصديق
=====
وماذا فى صديق قد صادقته مخلصا
وصادقا ودون عذر تركك دون ان يبدى سببا
فقد يكون بداخله ظنا ولو راجع نفسه وجد انه مخطئا
فكيف استهان بالصداقة ولن ينفع بعد فوات الاوان ندما
الانسان للانسان يلتمس ولو مائة عذرا
اما الصديق فله الحق فى ألفا
ولكن قبل ان يترك صديقه يذكر له سببا
بدلا من ان يدعه فى الظنون حائرا
ان جفاء الصديق او بعده مؤلما
أكثر من بعاد حبيبا أو أخا
اذا التمس الصديق للصديق اعذارا
فهو بالتأكيد يغفر له ليس بكلمة وانما كلاما
الحب يسرى فى الشرايين دون ارادةّ
لعقل وانما هو داء للقلوب ولا نجد له دواءا
حلو الكلام قد يضل قلوبا
وحب الله يشفى كل عليلا
طارق ياسين
الأربعاء، 30 نوفمبر 2011
إفرح واضحك يانيل
إفرح واضحك يانيل
===========
بقالنا كتير نغم ضايع من المواويل
بقالنا كتير شجن زايد فى الاراغيل
حزين وحزنى مالى صفحتك يانيل
وعتمة مالية ضفافك بلا قناديل
حتى القمر مخنوق فى سماك ياليل
قلت أحلم
قلت أحلم بفجر جديد
قمت وثرت وأملى بربى يزيد
أطالب بحق وعدل وجنبى كام شهيد
وعزم رجال شديده وايد بتحضن ايد
جانا نهار
من الثوار
بيوعدنا بفجر جديد
ويبدأ لينا عهد سعيد
بصيت ولقيت الحلم بالميدان بيتحقق
وصوتى ناديت كما الرعد فى السما بيبرق
وطيور حرية فى العلا تغنى وتزقزق
لافيه خاين ولا فاسد ولا حد هنا بيسرق
وشمس جديدة جايلنا بأمل يشرق
يانيل قادت قناديلك
لاتخشى تانى من ظلام ليلك
دى فرحة جاية تناديلى وتناديلك
فافرح وإضحك يانيل
صبرنا كتير وصبرنا مش بالقليل
فافرح وارقص وغنى واضحك يانيل
كلمات طارق ياسين
الجمعة، 18 نوفمبر 2011
مهموم يامصر
مهموم يامصر
=======
مهموم يامصر بيكى
وانا مش عارف أرضيكى
مانا تايه وكده محتار
وياما كتبتلك أشعار
فى وقت النصر بطير بيكى
ووقت الشده أواسيكى
وأنسى نفسى وأفتكرك
واعبر عن مدى حبك
ووقت م أقول دى نسيانى
أبص القاكى بتعانى
وتهت
مابين مين حبك ومين خانك
ومين خادمك ومين باعك
ومين يحميكى ومين يراعيكى
ومين سجانى وسجانك
معقول شعبك يكون هانك؟
وأقول جيشك بيحمينى ويحميكى
وناس تانيه تضللنى وناس بالروح بتفديكى
أقولك ايه ؟مأنا مش عارف أرضيكى
مفيش غير ربى هيحمينى ويحميكى
هيحمينى
ويحميكى
ابنك طارق ياسين
الثلاثاء، 15 نوفمبر 2011
دون أن يلتقيان
دون أن يلتقيان
=========
دون ان يلتقيان
او تتقابل العينان
ولم تتلامس اليدان
ولاتتمتم الشفتان
إلتقى القلبان
بكلاهما يشعران
فبأى شيئ يوصفان
صديقان؟ ام حبيبان؟
لايهم فببعضهمايحسان
فى الهم يتواسيان
فى الفرح يهللان
وللناس ينصحان
ولمن لايحب يرثيان
فهم موتى بلا أكفان
وسبحان الخالق الرحمن
جعل البحرين يلتقيان
فهل يأتى ربيعا فى الخريف فى هذا الزمان
أم هو حلم ووقت الاستيقاظ حان
كلمات آخر جنان من: طارق ياسين
الجمعة، 4 نوفمبر 2011
أنا الثوره
انا الثوره
======
انا حاسه بانى باتسرق
وانا شايفه ان عمرى بيتحرق
وان كل شيئ جميل كده غرق
معقوله ياشبابنا احنا هنفترق؟
انا الثوره
ناس تعيد
وناس تقيد
وناس تؤيد
وناس تمجد
وانا فين من كل ده؟
انا فين بين ده وده؟
انا تايهة زى ماكلكم تايهين
انا حاسه وانتم كمان حاسين
انى كانى سراااب
وبقيت فى وسط اغراب
ابعدوا عنى الغراب
لاينوح ولا يغنى
لايواسى ولايهنى
عمال فى جسمى بينهش
عمال فى قبرى ينبش
غراب اسمه الفتن
بيزود لينا المحن
وانا افضل أان
وساوس كمان بتزن
بتقولى اهربى
شرقى او غربى
وابعدى وفكرى
قبل ماتدمرى
روحى لناس ترفع شعلتك
لناس تعلى من همتك
لشعب يعرف قيمة حريته وحريتك
انا الثوره
كلمات طارق ياسين
السبت، 29 أكتوبر 2011
حان الحب الآن
الحب حان الآن
========
قد تعيش القلوب بلا ابدان ...
.
. ولكن يموت البدن ان كان قلبه بالاكفان
والحب هو عطر الحياة والاكوان ....
.
. ان ضاع منا اصابنا العار والهوان
اللهم لاتصيبنا بالجفاءو الحرمان ...
... واجعلنا محبين فى كل اوان
مالفرق بين حيوان وانسان ..
..غير عقل وقلب بالحب عمران
وحبى لربى يحيينى فى الازمان..
...ورضاه يريح كل قلب حيران
واذا احببنى ربى فله الشكران..
....فبعد حبه احببت كل انسان
ويارب ارجوك تسقى كل قلب للحب ظمآن
طارق يس
الجمعة، 28 أكتوبر 2011
الأربعاء، 26 أكتوبر 2011
الجمعة، 21 أكتوبر 2011
الثلاثاء، 18 أكتوبر 2011
نهاية لقاء
نهاية لقاء
=====
حكيتلك عن اللى ف قلبى
وانت مش حاسس ومش داريبى
كأنك مش معايا ولا جنبى
ولا شاعر بأشواقى ولهيبى
قلت يمكن مش سامع و كان سارح
او تعبان وكان سهران من امبارح
فضلت اعيد فى كلامى
واوصفله حبى وغرامى
وهو زى ماهو لا يتكلم
وانا اتألم
وفجأة قام وبيسلم
فثرت عليه
فيه ايه وجرى ايه
ازاى بتسرح وانا وياك
ولا حاسه بانى معاك
ولو سهران مانا من يوم ماعرفتك وانا سهرانه
ولو محتار مانا من اول محبيتك وانا حيرانه
سهرانه ليك
ومحتاره بيك
اتكلم قلى مالك
ايه غير فى حالك
اشكيلى عن همومك
اوصفلى ايه شعورك
ولا خلاص قلبك مش حاسس بيا
وماشى ولا حتى ساءل فيا
وتسيبنى للشكوك
وترمى ف طريقى شوك
ولا دى هى النهاية
او اخر الروايه
متقوللى من البداية
بدال متعذب فى روحى
وتزود فى جروحى
انا خلصت كلامى
وامشى من غير سلامى
وسيبنى مع ايامى
تداويلى آلااااامى
امشى
كلمات طارق ياسين
الاثنين، 17 أكتوبر 2011
السبت، 15 أكتوبر 2011
الاشتراك في:
الرسائل (Atom)