بره وجوه 
=====

بره وجوه باكون متغرب
وكل مابعد ارجع اقرب
بره الناس على طول حاسدانى
على ايه مش عارف
وجوه انا والاهل نعانى
ودايما خايف
وارجع اعيد من تانى الكره
وغربه جوه وغربه بره
رايح جاى على الحبل وبارقص
امتى الوقعة ؟ صحيح مش عارف
والجوع يقرص
اوعى تفكر بره أمان
بره بتنسى إنك انسان
وجوه ياعينى على طول تعبان
وتشقى وبرضه تلاقى حرمان
قلت ياريتنى أنا م الاول
ماتغربت وعمرى اتحول
بعد الغربه ارجع ألاقى ناس غير ناسى
واغلط نفسى وأقول أنا ناسى
مانا فى الغربه كنت باقاسى
وارجع الاقى حاجه تحير
حتى فى لبسى مقاسى اتغير
وهو العمر طبيعى قصير
يمكن كنت على عيشتى أتكيف
مره مزاجى يكون مبسوط ومرة مقريف
وفى آخر المشوار
لاده نافع ولاده شافع
جوه او بره أكيد متغرب
وامتى يافجر هتيجى تقرب
طارق ياسين

علشان أحس بإهتمام

علشان أحس  بإهتمام 

=====

علشان أحس  بإهتمام 

حتى ولو بالكلام 

ابعت سلام

وعنى إسأل لو سؤال 

من غير هيام 

او حتى غرام

بس اعرف ايه هى الاحوال


علشان أحس  بإهتمام 


حس بيا 

ولو شويه 

وحن عليا

لو حتى شفقه

زى انا مابحس بيك

وتراعينى زى انا م اراعيك

لو لحظه واحده من ليل لياليك  

فكر فيا 

مش كل حاجه انت وبس

أكيد حسيت بإهتمامى

وعرفت شوقى وغرامى

ده الاهتمام أكيد يتحس

وانا مهما كان بيا آلام

هتهون عليا بالاهتمام


إهتمااااااااااام

واله أقولك سلام 

مبقاش يجى منه الكلام 

وأنا هاكون آخر تمام 

طارق ياسين  

ياعيون يا ملاحقانى

ياعيون يا ملاحقانى 

========




رايحه جايه  عينها منى 

بتلاحقنى

مع انى بالصدفه عينى جت ف عينها 

رغم ان عنيها ديا 

سحرتنى 

ولسحرها  لحظه شدتنى  

لكنى باهرب منها 

لانها 

قلبى انا مش حقها 

قلبى انا مع اللى من زمان 

كان ملكها

ربى يسعد قلبها 

اللى مهما طالت بينا المسافات

واللى اوقات يطول بينا السكات 

واللى اوقات يحصل مابينا كتير حاجات

وحكايات

تبسمات

وساعات آهات 

هيا بس اللى قلبى حبها 


وياعيون ياملاحقانى شوفى غيرى واسحريه

قلبى مش ليكى خالى ارحمى نفسك وارحميه 

قلبى انا عمره ماخان 

ولا حبيبه  ف يوم عليه هان 


شوفى غيرى فى اى مكان  


ده انا مستحيل قلبى يضيع عشرته 

اللى دايما فى حزنه او فرحه شاركته



طارق ياسين  



وما الحب الا الحبيب الأول 

هذا الحبيب

هذا الحبيب الذى  أهواه ويهوانى


==========


هذا الحبيب الذى أهواه ويهوانى 


هل قلبى أغواه أم قلبه أغوانى 



عندما ينام الحبيب ولايبالى 


أغير من أحلامه ولا أغالى



فبالبعد عنه لحظة كم أعانى 


حتى ولو كان نائما فى أحضانى



أقاوم نومى واحذر عينى من غفلة 


تبعدنى عن رؤيته ولو  ثوانى



فوجه حبيبى لم أرى مثله 


فيه أهيم والقلب يشعر بالأمان



وحتى لاابالغ فى وصفه 


كنت وصفته بملاك  لاانسان



هذا الحبيب الذى  أهواه ويهوانى




طارق ياسين  

لم يتبقى لدى شيئ

لم يتبقى لدى شيئ

=====

لم يتبقى   لدى شيئ


لكى أترفق  به لك


فالقلب أصابه الوهن


ويحتاج من يترفق به


زاد سهده واشتياقه والمحن


أصبح قلبى مستهلكا وكهلا


ويحتاج من يتوكأ  عليه


ودارت ساعة الزمن


ليس قلبى ضالتك التى تنشديها


حتى دقاته سكتت فهل تسمعيها؟؟


ولم تعد عينى تحتمل السهر


جفت دموعها التى كانت كالمطر


غابت شمسى ونهارها وخسف القمر


دعينى بذكرى حبك  فى هدوء أحتضر


وارحلى كما رحلتى سابقا


وأسألى القدر


فقد يترفق بى و بك


فلم يتبقى لدى شيئ



طارق ياسين   




  

إعتدت الفراق

إعتدت الفراق

======

إعتدت الفراق

فكم من أحبة التقيناهم وذهبوا

وكم من أوقاتنا وقلوبا تبعثرت ونسيوا 

أيها القلب الحزين هل أدمنت الألام

فكم نعلقت آمال وتبددت أحلام 

كفاك حبا 

كفاك حبا وإشتياقا

فمن بعد كل حب يأتى فراقا

ويرحل من يرحل 

دون مصافحة أو عناقا 

ولتبقى أيها القلب جامدا 

ساكنا

متيبسا 

حتى ترتاح من تلك الألام 

وتدع عينى لكى تنام

ولتبقى الذكرى  تاريخا مع الايام

فأنا إعتدت الفراق  

طارق ياسين   

  

سامحينى

سامحينى

‏26 ديسمبر، 2013‏، الساعة ‏04:58 صباحاً‏

سامحينى

=====

سامحينى زى  انا ماسامحتك

مش كل لحظه هافكرك بحبى وحبك

حتى انتى ماتسألنيش اسألى قلبك

سامحينى على اى كلمة جارحه ماقلتهاش

على كل غلطة منى  ماعملتهاش

وقولى للظنون بلاش

لا حد بيها فرح ولا حتى عاش

اللى بينا اكبر منى ومنك

مع انك

مش بتسامحينى زى انا مباسامحك

مانتى عارفانى وانا عارفك

اللى بينا حلوه ومره سوا عشناه

 ماضى وحاضر وبكره بنستناه

لو نستيـــــــه


عمرى انا مابنساه


ولو    رمتيـــــــــــه


ايدى هتفضل تتلقاه


علشان كده دايما اسامحك


فسامحينى


  طارق ياسين 

(1) سامحينى

(1) سامحينى

مين فكر فيا أو فيك

مين فكر فيا أو فيك
‏14 نوفمبر، 2013‏، الساعة ‏04:50 صباحاً‏
مين فكر فيا أو فيك
 
===========
 
مين فكر فيا أو فيك
 
ومين دبر ليا أو ليك
 
غير بس يأذينى ويأذيك
 
لو  فكر لحظه
 
لهيعرف انه
 
الأمر لا بايده ولا اديك
 
لينا رب حامينى ويحميك
 
الاسم شريف
 
ولكنه لعيب حريف
 
واحد بالدين يحايلنا
 
وواحد بسياسه يحاورنا
 
وواحد بالوهم يحاوطنا
 
وهدفه لا ليا ولا ليك
 
والاسم دى ثوره
 
واهى لدلوقتى مقدرش  أسميها
 
 غير بس مناوره
 
والكل بيلعب بيا وبيك
 
إصحى من نومك
 
وانسى همومك
 
واسعى واتحرك
 
بنفسك ولنفسك
 
قومها
 
وقويها
 
وبعملك حلمك
 
ممكن يتحقق
 
وربك هو اللى يوفق
 
ويبارك فيا وفيك
 
ماهو عالم بيا
 
وعالم بيك
 
 
طارق ياسين  

بين ضلوعى

بين ضلوعى

=======

ساكنه دايما بين ضلوعى

وان غبت لحظه

قبلها بيكون رجوعى

وان نزلت من عينى دمعه

تتلقفيها وتمسحى كل دموعى

مانتى ساكنه بين ضلوعى


وانتى سبيلى وكل ربوعى

نبض قلبى بيناديكى

وعينى دايما باصه لعنيكى

شايفه لهفك

حاسه حبك

من غير ماتتحرك شفايفك

فانتى امنى وانا امنك

وانتى سكنى وانا سكنك

ومستحيل تسيبى ضلوعى


طارق ياسين 

متزعلش منى

متزعلش منى  ياوطن 
=======

متزعلش منى ياوطن

وانا عاجز إزاى أرضيك

وازاى لجزء من خيرك

ولحقك اعرف أوفيك 

مش هاقول شعارات

واغنى بالروح افديك

لانى درت وثرت

وفكرت ودبرت 

 وقسيت وعنيت

وفى وش الريح هبيت

لكنى عاجز  ياوطن

ترضينى وأرضيك


وكل واحد جواك او براك

عمال بينهش فيك

زهقت منى لما أعانى

وف كل مرة أجيك

أوقات اشتيكيلك

واوقات تانيه أشكيك

فمتزعلش منى

واستحملنى

وسامحهم وسامحنى

لانى هافضل احبك

لا هاسيبك ولا اهاجرك

ولسه عندى أمل

ورب العباد حاميك


طارق ياسين

كتاب الصيام -دار الإفتاء المصرية 1434 ه

كتاب الصيام -دار الإفتاء المصرية 1434 ه

محمد منير - حدوتة مصرية - كاملة بدون حذف - HD

حلمت إمبارح

حلمت امبارح
=====

حلمت امبارح بالملايه اللف
وناس رايحه وناس جايه
 وناس طمعانه ومتحايله 
وناس عينها كانت زايغه
وناس باصه ومش  شايفه
وجمالك والله مكان له وصف
حلمت امبارح بالملايه اللف
ملايتك كانت فى لونها سواد
لكن سحرك غطى عليها وزاد
حماكى الله من الحساد
 يابلدى يا ام الملايه اللف
غازلوكى
 وعاكسوكى
وقال للعتمه هياخدوكى
 لكنك قمتى واقفالهم
وبملايتك فرشتيلهم
وبان الخوف فى عيونهم
 وانا لبيت لنداكى 
وقلت بروحى افديكى
وجريوا كلاب السكك حواليكى
ومن خوفهم ضحكتيلى
 وكان ثوبك بيدعيلى
وثوبك كان 3 الوان
احمر وابيض واسود
ونسرك عزف ألحان
وفجرك خلاص اهو بان


بيوم نصرك
بيوم سعدك
ويوم أمنك
وده حلمى بيتحقق
ونورك فى الوجود يبرق
 ياحلوة ياعروسة الازمان
وحافظك خالق الاكوان
ياعمرى
ياأم الملايه اللف

يامصر

30/6/2013

 طارق ياسين

مشاهد تاريخيه قام بتصويرها المخرج خالد يوسف من طائرات الجيش ويحكى سر حاد...

فاض بينا الكيل

فاض بينا الكيل
========

فاض بينا الكيل

من عهد فساد لعهد جبان

والكيل مليان

كده من زمان

من قبل الثوره فى الميدان

وسرقونا وسرقوا الحلم معانا

وقال إيه إخواااااااااااان

ولا حسوا بجوع واحد غلبان

ولا عرفوا ايه معنى إنسان

وياخوفى يابلدى زرعك عطشان

وقال إيه إخواااااااااااااااااااان

وفاض بينا الكيل

وشفنا الويل

من عهد فساد لعهد جبان

وجهل قيادته يوم ورا يوم بيبان

لكن هنكمل خطاوينا

ونحقق كل أمانينا

ونرجع تانى ثورتنا

فى كل ميدان

لجل ولادنا واهالينا

تعيش فى أمان


طارق ياسين

 27/6/2013

 

تطوير الذات ،كل ماتحتاجه لتكون الأفضل.: حلل شخصيتك

تطوير الذات ،كل ماتحتاجه لتكون الأفضل.: حلل شخصيتك

قصايدى ليكى

قصايدى ليكى

======

صدقينى ممكن اكتب قصايد الكون عليكى

لانها احساس صادق والكلمات مش هتكفيكى


من حروفى هتعرفى ازاى قلبى بيدوب فيكى

ومشتاق اليكى

ونفسه نظره من عنيكى

ودقات قلبى بتسلم عليكى

فاكره يومها لما التقيت بيكى ؟

كانت عنيكى هى اللى بتتبتسملى


ومرة واحده تخجل وتهرب منى وتسيبنى


وتفضل عيونى تتابعك من بعيد لبعيد
.

خايف للناس تشوفنى وتلاحظ وانا سعيد


يمكن كلامى فيه شيئ من الخيال


لكن اعتبريه كتير من الآمال


لو شيئ محال


خلينى هايم فى الجمال


واهدى قصايد الحب ليكى


طارق ياسين

سامحنى ياقلبى

سامحنى ياقلبى

=======

هافضل ضاغط عليك  ياقلبى

مهما الحب يناديك

وانا بايدى  هاقسى عليك

وهاموت الاحساس فيك

مانا كل يوم  باموت معاك

وكل لحظه  اسمع شكواك

قوللى انت ازاى أحميكك

غير انى انسى هوايا

وانت تنسى هواك


مانت نصيبك  كده

وانا حالى كده

محتار مابين ده وده

ومش هاعرف  يااااااقلبى أرضيك

تهت بيا وتهت بيك

تهت بيا وتهت بيك

واصبر معايا

واتحمل أسايا

يمكن يوم ارتاح

وتلقى اللى يراعيك

لازم أضغط عليك


طارق ياسين



 

عينى فى عينك

عينى ف عينك
=========
عينى ف عينك

وانتى ولا على بالك حاجه

قلبى ندهلك

وكل دقه من دقاته ليكى محتاجه

استنيت تتكلمى ..فمنطقتيش

استنيت تتبسمى..متبسمتيش

عينى ف عينك

لو حسيتى

كنتى قوليلى

حتى مابينى وبينك

قلبك قاسى

وعامل ناسى

ودستى معاه على قلبى

ومرحمتيش

سمعتى بنفسك  كل أنينه

برضه مشيتى
ومسألتيش

طب بشويش
عينى ف عينك

طارق ياسين